Connect with us

Fact Checks

વિજય રૂપાણી દ્વારા સરદાર પટેલની પ્રતિમાને ભંગારનો ભૂકો ગણાવતો ભ્રામક વિડિઓ વાયરલ

સરદાર પટેલની દુનિયાની સૌથી મોટી પ્રતિમામાં ભંગાર લોખંડનો ઉપયોગ કરીને બનાવી છે.

Published

on

વિજય રૂપાણી દ્વારા સરદાર પટેલની પ્રતિમાને ભંગારનો ભૂકો ગણાવતા હોબાળો મચેલ વિડિઓ સોશ્યલ મીડિયા પર વાયરલ કરવામાં આવ્યો છે. વિધાનસભા સત્ર દરમિયાન વિપક્ષ નેતા પરેશ ધાનાણી સામે થયેલ વાતચીતમાં સીએમ રૂપાણી દ્વારા સરદાર પટેલની પ્રતિમાને ભંગારનો ભૂકો ગણાવવામાં આવ્યો હોવાનો દાવો કરવામાં આવ્યો છે. ફેસબુક પર “સરદાર પટેલ વિરોધી રુપાણી” કેપશન સાથે પોસ્ટ મુકવામાં આવેલ છે.

સરદાર પટેલ વિરોધી રુપાણી

Posted by હિના પંડ્યા on Tuesday, July 28, 2020
Facebook

Factcheck / Verification

વાયરલ વિડિઓ સાથે કરવામાં આવેલ દાવા પર કેટલાક કીવર્ડ સાથે સર્ચ કરતા sandesh, zeenews દ્વારા ફેબ્રુઆરી 2019ના પબ્લિશ કરાયેલ ન્યુઝ જોવા મળે છે. જે મુજબ વિધાનસભા સત્ર દરમિયાન પરેશ ધાનાણી દ્વારા સરદાર પટેલની પ્રતિમાને ભંગારનો ભૂકો કહેતા આ વિવાદ સર્જાયો હતો, જે મુદ્દે ધાનાણી એક દિવસ માટે સસ્પેન્ડ કરાયા હતા.

News Report

આ મુદ્દે વધુ તપાસ કરતા hindustantimes દ્વારા તેમજ TV9 દ્વારા આ મુદ્દે પબ્લિશ કરાયેલ ન્યુઝ જોવા મળે છે. જે મુજબ ધાનાણી દ્વારા પ્રતિમા ભંગાર માંથી બનાવેલ હોવાનું કહેતા આ વિવાદ સર્જાયો હતો.

Conclusion

વાયરલ દાવા પર મળતા પરિણામ પરથી વિડિઓ ભ્રામક હોવાનું સાબિત થાય છે, ફેબ્રુઆરી 2019ના સત્ર દરમિયાન વિપક્ષ નેતા પરેશ ધાનાણી દ્વારા સરદાર પટેલની પ્રતિમાને ભંગારનો ભૂકો કહેતા આ વિવાદ સર્જાયો હતો. જયારે સોશ્યલ મીડિયા પર વિજય રૂપાણી દ્વારા આપવામાં આવેલ જવાબનો વિડિઓ પોસ્ટ કરવામાં આવ્યો છે, જે માત્ર 19 સેકન્ડનો અને એડિટ કરાયેલ વિડિઓ છે. પરેશ ધાનાણી દ્વારા સરદાર પટેલની પ્રતિમા પર બોલવામાં આવેલ શબ્દો વિજય રૂપાણી દ્વારા કહેવામાં આવ્યા હોવાના ભ્રામક દાવા સાથે વાયરલ કરવામાં આવ્યો હતો.

Result :- Misleading

Our Source

hindustantimes :- https://www.hindustantimes.com/india-news/gujarat-oppn-leader-suspended-from-assembly-for-remarks-on-statue-of-unity/story-TJU0fswc6T7MVDGQwg52kK.html

sandesh :- http://sandesh.com/paresh-dhannanis-statement-about-the-statue-of-sardar-patel-bjp-angry/

(કોઈપણ શંકાસ્પદ, વાયરલ ખબર અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044)

Authors

Coronavirus

કોરોના એક વાયરસ નહીં પણ બેક્ટેરિયા છે : ઇટલીના ડોકટરો, જાણો શું છે ભ્રામક દાવાનું સત્ય

કોવિડ -19 થી થયેલ મોત પર એટોપ્સી કરનારો ઇટાલી વિશ્વનો પહેલો દેશ બન્યો છે. તપાસમાં બહાર આવ્યું છે કે તે કોઈ વાયરસ નથી પરંતુ તે એક બેક્ટેરિયા છે.

Published

on

ઇટલીના ડોક્ટરોએ કોરોના વાયરસના દર્દીની ડેડબોડીનું પોસ્ટમોર્ટમ કરી નવો ઘટસ્ફોટ કર્યો છે, વાયરસના નામે એક આંતરરાષ્ટ્રીય કૌભાંડ ચલાવાઈ રહ્યું છે. કોરોના એક વાયરસ નથી પરંતુ બેક્ટેરિયા છે, જેનો ઈલાજ ખુબજ સરળ છે. સોશ્યલ મીડિયા પર આ દાવા સાથે બટુક સમાચારનું પેપેર કટિંગ વાયરલ થયેલ છે. વાયરલ તસ્વીરમાં કોરોના વાયરસના ઈલાજ માટે વેન્ટિલેટર્સ અને આઈસીયુની પણ જરૂર નથી, તેમજ ચીન અને WHO દ્વારા આ માહિતી છુપાવવામાં આવી હોવાનો આક્ષેપ પણ કરવામાં આવ્યો છે.

વાયરલ પોસ્ટમાં કરવામાં આવેલ દાવાઓ

  • ઇટલીના ડોકટરો દ્વારા ડેડબોડીના પોસ્ટમોર્ટમ બાદ જાહેર કર્યું કે કોરોના વાયરસના નામે એક આંતરરાષ્ટ્રીય કૌભાંડ ચલાવાઈ રહ્યું છે.
  • કોવીડ-19 કોઈ વાયરસ નથી પણ એક પ્રકારનો બેક્ટેરિયા છે, જેનો ઈલાજ ખુબજ સરળ છે.
  • કોરોના દર્દી માટે ICU અને વેન્ટિલેટર્સની પણ જરૂર નથી
  • આ બેક્ટેરિયાનો એસ્પીરીન -100 અને પેરા સીટામોલ જેવી દવાઓ દ્વારા ઉપચાર થઇ શકે છે.
  • કોરોના વાયરસનું સંક્ર્મણ 5-G નેટવર્કના કારણે વધુ ફેલાય છે.

Factcheck / Verification

અમે સોશ્યલ મીડિયા પ્લેટફોર્મ પર વાયરલ થઈ રહેલા દાવાની ખરાઈ કરવા તપાસ શરૂ કરી અને દરેક દાવાને ક્રમિક રીતે શોધવાનું શરૂ કર્યું. જેમાં ઇટાલી, કોવિડ -19થી મૃત્યુ પામેલ ડેડબોડીનું પોસ્ટમોર્ટમ કરનાર વિશ્વનું પ્રથમ દેશ બન્યું છે, જેમાં તપાસમાં બહાર આવ્યું છે કે તે વાયરસ નથી પણ બેક્ટેરિયા છે. જેના કારણે લોહી ગંઠાઈ જાય છે અને દર્દીનું મોત થાય છે. તપાસ દરમિયાન thelancet દ્વારા પ્રકાશિત કરાયેલ રિપોર્ટ જોવા મળે છે, જે મુજબ કોરોના વાયરસમાં શ્વાશ લેવામાં તકલીફ મૃત્યુનું મુખ્ય કારણ માનવામાં આવ્યું છે. જયારે કોવિડ -19 વાયરસ નથી અને બેક્ટેરિયા હોવાના મુદ્દે કોઈપણ રિપોર્ટ જોવા મળેલ નથી.

ડબ્લ્યુએચઓનો કાયદો કોવિડ -19 થી મૃત્યુ પામેલા લોકોના મૃતદેહનું પોસ્ટમોર્ટમ કરવાની મંજૂરી આપતું નથી. પરંતુ ઇટાલીમાં કોવિડ-19 ડેડ બોડીનું પોસ્ટમોર્ટમ કરાવ્યું અને જાણ્યું કે તે વાયરસ નહીં પણ બેક્ટેરિયા છે. આ દાવાની સત્યતા શોધવા માટે, અમે વર્લ્ડ હેલ્થ ઓર્ગેનાઇઝેશનની સત્તાવાર વેબસાઇટ પર જોયું કે WHO દ્વારા આ પ્રકારે કોઈ કાયદો બનાવાયો નથી જે કોરોના વાયરસથી મૃત્યુ પામેલ વ્યક્તિના શરીરના પોસ્ટમોર્ટમ અથવા સંશોધનને અટકાવે છે. વધુ તપાસ પર WHO Mythbusters કે જેમાં કોરોના વાયરસ પર ફેલાયેલા તમામ ભ્રામક દાવાઓ પર ખુલાસો આપવામાં આવેલ છે, જ્યાં વાયરલ દાવો “કોરોના વાયરસ નહીં પરંતુ બેકટેરિયા છે” જેના પર વિડિઓ તેમજ કેટલીક માહિતી દ્વારા સ્પષ્ટતા આપવામાં આવેલ છે.

Mythbuster-Bacteria_vs_Virus
There is currently no licensed medication to cure COVID-19. If you have symptoms, call your health care provider or COVID-19 hotline for assistance.

વાયરલ પોસ્ટમાં કરવામાં આવેલ ત્રીજો દાવો આ બેક્ટેરિયાનો એસ્પીરીન -100 અને પેરા સીટામોલ જેવી દવાઓ દ્વારા ઉપચાર થઇ શકે છે. જે મુદ્દે તપાસ કરતા WHO દ્વારા જ સ્પષ્ટ કરવામાં આવેલ છે, કોઈપણ એન્ટીબાયોટિક્સ હજુ સુધી પ્રમાણિત થયેલ નથી જે કોરોના વાયરસને રોકવા માટે અસરકારક હોય.

Are antibiotics effective in preventing and treating the new coronavirus?
Antibiotics work only against bacteria, not viruses.
Are there any specific medicines to prevent or treat the new coronavirus?
COVID-19 is caused by a virus, and therefore antibiotics should not be used for prevention or treatment.

જયારે વાયરલ દાવામાં ઇટલીના ડોકટરો દ્વારા આ વાયરસ નહીં પરંતુ બેક્ટેરિયા હોવાના દાવા પર વધુ તપાસ કરતા Reuters ન્યુઝ દ્વારા પ્રકાશિત કરવામાં આવેલ આર્ટિકલ જોવા મળે છે, જે મુજબ ઇટલીએ કોરોના માટે બનાવેલ વેક્સીન માટે હ્યુમન ટ્રાયલ (માણસ પર પરીક્ષણ) શરૂ કરી દીધું છે. આ પરથી સાબિત થાય છે, ઇટલીના ડોકટરો પણ વેક્સીનની શોધ માટે પ્રયાસ કરી રહ્યા છે, વાયરલ દાવા પ્રમાણે એક બેક્ટેરિયા હોવાનો દાવો ભ્રામક સાબીત થાય છે.

ઉપરાંત કોરોના વાયરસનું સંક્ર્મણ 5-G નેટવર્કના કારણે વધુ ફેલાય છે, આ વાયરલ દાવા પર ગુગલ સર્ચ કરતા WHO અને ET telecom દ્વારા પ્રકાશિત કરાયેલ આર્ટિકલ જોવા મળે છે. આ વિષય પર International Telecommunications Unionના પ્રવકતા મોનીકા ગહેનર દ્વારા સ્પષ્ટતા આપતા જણાવ્યું કે 5-G નેટવર્ક અને કોરોના વાયરસ વચ્ચે કોઈ સંબંધ નથી, વાયરલ દાવો તદ્દન ભ્રામક છે.

FACT: 5G mobile networks DO NOT spread COVID-19
Viruses cannot travel on radio waves/mobile networks. COVID-19 is spreading in many countries that do not have 5G mobile networks.

Conclusion

ઇટલીના ડોકટરો દ્વારા ડેડબોડીનું પરીક્ષણ કરવામાં આવ્યું અને કોરોના એક વાયરસ નહીં પરંતુ બેક્ટેરિયા છે, તેમજ કોરોનાનો ઈલાજ ખુબજ સરળ છે અને 5-G નેટવર્કથી કોરોના ફેલાવવાનું જોખમ વધે છે. જેના પર WHO અને અન્ય ન્યુઝ સંસ્થાનો દ્વારા પ્રકાશિત કરાયેલ રિપોર્ટ પરથી વાયરલ દાવાઓ તદ્દન ભ્રામક સાબિત થાય છે. ઉપરાંત કોરોનાને લગતી તમામ અન્ય ભ્રામક માહિતી માટે WHO Mythbusters વેબસાઈટ પર સ્પષ્ટતા કરવામાં આવેલ છે.

Result :- False


Our Source

WHO
WHOMythbusters
Reuters
Thelancet
Economictimes

(કોઈપણ શંકાસ્પદ, વાયરલ ખબર અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044)

Authors

Continue Reading

Fact Checks

મોદી જો બીજી વખત વડાપ્રધાન બનશે તો ભારતના વિકાસના પૈડા થંભી જશે : જોન ચેમ્બર્સ, જાણો ભ્રામક દાવાનું સત્ય

અમેરિકન બિઝનેસ મેન જોન ચેમ્બર્સ દ્વારા 2018માં જ મોદી સરકાર વિશે ચેતવણી આપવામાં આવી હતી.

Published

on

ભારતનો GDP -23% થી નીચે આવતા એક ગંભીર મુદ્દો ઉભો થયેલ છે, સોશ્યલ મીડિયા પર અનેક ચર્ચાઓ ચાલી રહી છે. ત્યારે અમેરિકન બિઝનેસ મેન John Chambers દ્વારા PM મોદી પર કરવામાં આવેલ ટિપ્પણી “મોદી જો બીજી વખત વડાપ્રધાન બનશે તો ભારતના વિકાસના પૈડા થંભી જશે” હેડલાઈન સાથે ન્યુઝ પેપરની કટિંગ વાયરલ થયેલ છે. (જોન ચેમ્બર્સ સિસ્કો સિસ્ટમના CEO છે.)

Factcheck / Verification

જોન ચેમ્બર્સ દ્વારા આ પ્રકારે આપયેલ સ્ટેટમેન્ટ પર ગુગલ કીવર્ડ સાથે સર્ચ કરતા timesofindia, businesstoday, firstpost વગેરે ન્યુઝ સંસ્થાન દ્વારા જુલાઈ 2018ના પબ્લિશ કરાયેલ આર્ટિકલ જોવા મળે છે. જે મુજબ 2019ની ચૂંટણી પહેલા જોન ચેમ્બર્સ દ્વારા એક ઇન્ટરવ્યૂમાં કહેવામાં આવ્યું હતું કે “જો PM મોદી ફરી વખત ભારતના વડાપ્રધાન નહીં બને તો ભારતના વિકાસને જોખમ છે” (India’s growth at risk if Modi is not re-elected: John Chambers)

આ મુદ્દે વધુ તપાસ કરતા NDTV દ્વારા 2017માં જોન ચેમ્બર્સ સાથે કરાયેલ ઇન્ટરવ્યૂ જોવા મળે છે. જેમાં તેઓએ મોદી સરકાર અને ભારતના વિકાસ વિશે ચર્ચા કરેલ છે. (Chairman of CISCO John Chambers on his admiration of PM Narendra Modi and his vision for India.)

ટ્વીટર પર આ મુદ્દે સર્ચ કરતા John chambers દ્વારા MAY-2018ના કરવામાં આવેલ ટ્વીટ જોવા મળે છે. જેમાં તેઓએ મોદી સરકાર દ્વારા 4 વર્ષમાં કરાયેલ કામ #DigitalIndia અને #StartupIndia વિશે વખાણ કર્યા છે, આ સાથે તેમણે businessworld દ્વારા પબ્લિશ કરાયેલ આર્ટિકલની લિંક પણ શેર કરેલ છે. જેમાં મોદી સરકારના કામ અને તેનો વિકાસ તેમજ બિઝનેસ પાર્ટનર તરીકે USA અને ભારત વચ્ચે થયેલ બિઝનેસ ગ્રોથ વેગેરે મુદ્દે વાત કરવામાં આવેલ છે.

આ ઉપરાંત (Archives)narendramodi વેબસાઈટ પર જોન ચેમ્બર્સ અને PM મોદીની 2016 થી 2019 સુધી થયેલ તમામ મુલાકાત વિશે માહિતી જોવા મળે છે.

જયારે વાયરલ ન્યુઝ પેપર કટિંગને ધ્યાન પૂર્વક જોતા, તેમાં પણ જોન ચેમ્બર્સ દ્વારા મોદી સરકારના વખાણ તેમજ ભારતની સમૃદ્ધિ અને વિકાસ માટે ફરી મોદી સરકારની જરૂરી હોવાની વાત કરવામાં આવેલ છે. ભારત અને અમેરિકા વચ્ચે વધી રહેલ બિઝનેસ અને ભારતના વિકાસ અંગે પણ અન્ય ચર્ચાઓ આ ન્યુઝ પેપર કટિંગમાં જોવા મળે છે.

Conclusion

વાયરલ ન્યુઝ પેપર કટિંગમાં કરવામાં આવેલ દાવો “મોદી જો બીજી વખત વડાપ્રધાન બનશે તો ભારતના વિકાસ પૈડા થંભી જશે : જોન ચેમ્બર્સ” એક ભ્રામક પોસ્ટ છે. વાયરલ પેપર કટિંગમાં એડિટિંગ દ્વારા ભ્રામક હેડલાઈન લખવામાં આવેલ છે, આ મુદ્દે અન્ય ન્યુઝ સંસ્થાન દ્વારા પબ્લિશ કરાયેલ આર્ટિકલ તેમજ john Chambers દ્વારા કરવામાં આવેલ ટ્વીટ પરથી વાયરલ પોસ્ટ ભ્રામક સાબિત થાય છે.

Result :- Misleading


Our Search

narendramodi
businessworld
timesofindia
businesstoday
Firstpost
John chambers

(કોઈપણ શંકાસ્પદ, વાયરલ ખબર અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044)

Authors

Continue Reading

Fact Checks

Weekly Wrap: રાજકોટ કોરોના હોટસ્પોટ જાહેર કરાયું અને સુધા મૂર્તિ શાકભાજી વેચી રહ્યા છે અને કંગના ભાજપની પાર્ટી પ્રવક્તા જાહેર કરાઈ હોવાના ભ્રામક દાવાઓ પર Top 5 Fact Check

જાણો 5 મિનિટમાં આખા અઠવાડિયાની ભ્રામક ખબરો

Published

on

આ અઠવાડિયામાં Newschecker દ્વારા સોશ્યલ મીડિયા પર વાયરલ થયેલ તમામ ફેકનયુઝ પર ખુલાસો કરવામાં આવ્યો છે. જેમાં રાજકોટ કોરોના હોટસ્પોટ જાહેર કરાયું અને સુધા મૂર્તિ શાકભાજી વેચી રહ્યા છે અને કંગના ભાજપની પાર્ટી પ્રવક્તા જાહેર કરાઈ તો સાઉથની એક્ટ્રેસની તસ્વીર ડો.વિધિના મૃત્યુ સાથે વાયરલ ભ્રામક દાવાઓ પર કરાયેલ ફેકટચેક રિપોર્ટ.

અમદાવાદના ડો.વિધિનું કોરોના સંક્રમિત થવાથી મૃત્યુ થયા હોવાના દાવા સાથે કેરેલાની એક્ટ્રેસની તસ્વીર વાયરલ

ફેસબુક અને વોટસએપ પર અમદાવાદના ડો.વિધિ કોરોના વોરિયર્સ તરીકે ફરજ બજાવતા શહીદ થયા હોવાના દાવા સાથે શેર કરાયેલ તસ્વીર કેરેલાની એક એક્ટ્રેસ Samskruthy Shenoy છે. જયારે ડો.વિધિ જે અમદાવાદમાં એક ગાયનેકોલોજીસ્ટ હતા, અને તેનું કરોના થવાના કારણે મૃત્યુ થયેલ હોવાના દાવા પર IMSO દ્વારા માહિતી આપવામાં આવેલ છે. 

વધુ માહિતી માટે અહીં ક્લિક કરો

સુધા મૂર્તિ ઇન્ફોસિસ કંપનીના ફાઉન્ડરના પત્ની શાકભાજી વહેંચી રહ્યા હોવાનો ભ્રામક દાવો વાયરલ

વાયરલ પોસ્ટ સાથે સુધા મૂર્તિ પર કરવામાં આવેલ દાવા પર મળતા પરિણામ મુજબ સાબિત થાય છે, સુધા મૂર્તિ બંગ્લોર મઠની બહાર શાકભાજી નથી વહેંચી રહ્યા, પરંતુ તેઓ દર વર્ષે ત્રણ દિવસ માટે મઠમાં નિસ્વાર્થ સેવા આપવામાં આવે છે. 

વધુ માહિતી માટે અહીં ક્લિક કરો

કંગના ભાજપમાં પાર્ટી પ્રવક્તા તરીકે જોડાઈ હોવાનો ભ્રામક દાવો વાયરલ

ફેસબુક પર વાયરલ થયેલ તસ્વીર અને કંગના ભાજપની પાર્ટી પ્રવકતા તરીકે જોડાઈ હોવાનો દાવો તદ્દન ભ્રામક છે. બિહારમાં થનાર ચૂંટણીમાં કંગના સ્ટાર પ્રચારક હોવાના દાવા પર પૂર્વ CM ફડણવીશ દ્વારા સ્પષ્ટતા કરવામાં આવેલ છે, જે મુજબ બિહાર ઈલેક્શનમાં નરેન્દ્ર મોદી જ સ્ટાર પ્રચારક રહેશે. 

વધુ માહિતી માટે અહીં ક્લિક કરો

કંગના રનૌતનો 2019ના ઇન્ટરવ્યૂનો વિડિઓ ખોટા અને ભ્રામક દાવા સાથે વાયરલ

પત્રકાર દ્વારા પૂવામાં આવેલ પ્રશ્ન પર જવાબ આપતા કહ્યું હતું કે “ઝાંસી કી રાણી મારી ચાચી નથી, તે તમારી પણ એટલી જ છે, જેટલી મારી” જે ઇન્ટરવ્યૂ વિડિઓનો એક ભાગ સોશ્યલ મીડિયા પર ખોટા અને ભ્રામક દાવા સાથે વાયરલ કરાયેલ છે.

વધુ માહિતી માટે અહીં ક્લિક કરો

રાજકોટ કોરોના વાયરસનું નવું હોટસ્પોટ બન્યું હોવાનો ભ્રામક દાવો વાયરલ

રાજકોટ ગુજરાતનું નવું કોરોના હોટસ્પોટ બન્યું હોવાના દાવા સાથે વાયરલ થયેલ પોસ્ટ તદ્દન ભ્રામક છે. આ મુદ્દે રાજકોટ મ્યુ.કમિશનર ઉદિત અગ્રવાલ દ્વારા પણ સ્પષ્ટતા આપવામાં આવેલ છે, જેમાં રાજકોટ હાઇએલર્ટ પર હોવાના દાવાને ભ્રામક જણાવવામાં આવેલ છે.

વધુ માહિતી માટે અહીં ક્લિક કરો

(કોઈપણ શંકાસ્પદ, વાયરલ ખબર અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044)

Authors

Continue Reading