Connect with us

Coronavirus

પુણે સીરમ ઇન્સ્ટિટ્યૂટમાં કોરોના વેક્સીનના પ્લાન્ટમાં આગ લાગી હોવાનો ભ્રામક દાવો વાયરલ

કોરોના વેક્સીન એકદમ સુરક્ષિત છે, આગની ઘટના બીજા એક ડિપાર્ટમેન્ટમાં બનેલ છે,

Published

on

કોરોના વાયરસ માટે રસીકરણ પ્રકિયા શરૂ થઈ ચુકી છે, ભારતમાં સીરમ ઇન્સ્ટિટ્યૂટ અને ઓક્સફર્ડ દ્વારા વેક્સીન બનાવવામાં આવી રહી છે. ત્યારે હાલમાં પુણે સીરમ ઇન્સ્ટિટ્યૂટ ખાતે આગ લગાવાનો બનાવ બન્યો છે. જેમાં 5 લોકોનું મૃત્યુ પણ થયું હોવાની માહિતી પણ છે. ત્યારે સોશ્યલ મીડિયા પર એક પોસ્ટ વાયરલ થઈ રહી છે, જેમાં દાવો કરવામાં આવ્યો છે કે સીરમ ઇન્સ્ટિટ્યૂટમાં આગ કોરોના વેક્સીનના પ્લાન્ટમાં લાગેલ છે. જ્યાં કરોડોના વેક્સીન ડોઝ તૈયાર હે તે બિલ્ડીંગમાં આગ લાગી હોવાના દાવા સાથે વિડિઓ અને તસ્વીર શેર કરવામાં આવેલ છે. ફેસબુક પર “પુણેમાં જ્યાં કોરોના વેક્સિન બને છે તે પ્લાન્ટમાં આગ, અહીં વેક્સિનના કરોડો ડોઝ સ્ટોરમાં છે” કેપશન સાથે પોસ્ટ શેર કરવામાં આવેલ છે.

Factcheck / Verification

સીરમ ઇન્સ્ટિટ્યૂટમાં આગ લાગવાની ઘટના પર વાયરલ થયેલ દાવો જેમાં કોવીડ વેક્સીનના ડોઝ જે બિલ્ડીંગમાં છે ત્યાં આગ લાગી હોવાની જાણકારી આપતી પોસ્ટ પર કેટલાક ગુગલ કીવર્ડ સાથે સર્ચ કરતા timesofindia અને thelogicalindian દ્વારા પ્રકાશિત કરવામાં આવેલ અહેવાલ જોવા મળે છે. જે મુજબ આગમાં મૃત્યુ થનાર વ્યક્તિના પરિવારન 25 લાખ સુધી સહાયતા કરવાની જાહેરાત કરવામાં આવી તેમજ જે બિલ્ડીંગમાં આગ લાગી હતી ત્યાં BCG અને ROTAVIRUS ની રસીઓ હાજર હતી. અંદાજે 1000 કરોડનું નુકશાન થયું હોવાની જાણકારી આપવામાં આવી હતી.

Serum Institute Suffered Financial Loss Of Over Rs 1,000 Cr Due To Fire: Adar Poonawalla
Serum fire losses pegged at over Rs 1,000 crore; Covid vaccine supplies safe

જયારે કોરોના વેક્સીનના ડોઝ અને સીરમ ઇન્સ્ટીટયુટમાં લાગેલી આગ મુદ્દે વધુ તપાસ કરતા indianexpress અને ndtv દ્વારા પ્રકાશિત કરવામાં આવેલ અહેવાલ જોવા મળે છે. જેમાં આગની ઘટના બાદ CM ઉદ્ધવ ઠાકરે પણ ઘટના સ્થળે આવ્યા હતા અને મરનાર 5 લોકો પર શોક વ્યક્ત કર્યો હતો. આ ઉપરાંત તેમણે લોકોને માહિતી આપી હતી કે આગની ઘટનામાં કોરોના વાયરસની વેક્સીન પર કોઈ નુકશાન થયેલ નથી, વેક્સીનના ડોઝ સુરક્ષિત છે. આગ લાગવાના સમાચાર સાંભળતા અંશે લોકોને વેક્સીન અંગે ચિંત્તા થવા લાગી હતી પરંતુ કોરોના વેક્સીન મેન્યુફેક્ચરિંગ અને સ્ટોરેજ પ્લાન્ટ એકદમ સુરક્ષિત હોવાની માહિતી ઉદ્ધવ ઠાકરેએ આપી હતી.

જયારે વધુ સચોટ માહિતી માટે ટ્વીટર પર અદાર પુનાવાલા જે સીરમ ઇન્સ્ટિટ્યૂટના CEO છે, તેમના દ્વારા કરવામાં આવેલ ટ્વીટ જોવા મળે છે. જેમાં તેમેણે વેક્સીન અને આગ અંગે માહિતી આપતા કહ્યું કે ‘હું સરકાર અને લોકો બન્નેને જાણ કરવા મંગુ છું કે આગની ઘટનામાં કોરોના વેક્સીન એકદમ સુરક્ષિત છે.’ આ ઉપરાંત ઉદ્ધવ ઠાકરે અને આદિત્ય ઠાકરે દ્વારા ઇન્સ્ટિટ્યૂટની મુલાકાત લેવામાં આવી હતી, જે બાદ પુનાવાલાના ટ્વીટમાં કહેવામાં આવ્યું કે કોરોના વેક્સીનના ડોઝનું કામ કાર્યરત,સમયસર અને સુરક્ષિત છે.

Conclusion

પુણે સીરમ ઇન્સ્ટિટ્યૂટમાં આગ લગાવાની ઘટનામાં કોરોના વેક્સીનના ડોઝને નુક્શન થયું હોવાનો દાવો તદ્દન ભ્રામક છે. આ ઉપરાંત કોરોના વેક્સીન તૈયાર થનાર પ્લાન્ટમાં જ આગ લાગી હોવાની જાણકારી પણ તદ્દન ભ્રામક છે. સીરમ ઇન્સ્ટિટ્યૂટના CEO અને મહારાષ્ટ્રના CM દ્વારા આપવામાં આવેલ જાણકારી મુજબ કોરોના વેક્સીન એકદમ સુરક્ષિત છે, તેમજ આગની ઘટના બીજા એક ડિપાર્ટમેન્ટમાં બનેલ છે, જ્યાં કોરોના વેક્સીન તૈયાર થતી નથી. જેથી વાયરલ દાવો તદ્દન ભ્રામક સાબિત થાય છે.

Result :- False


Our Source

સીરમ ઇન્સ્ટિટ્યૂટના CEO
indianexpress
ndtv
timesofindia
thelogicalindian

(કોઈપણ શંકાસ્પદ, વાયરલ ખબર અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044)

Coronavirus

ભાજપ નેતા રસી લઇ રહ્યાં હોવાનો ખોટો પોઝ આપી ફોટા પડાવી રહ્યા છે, જાણો શું છે ભ્રામક દાવાનું સત્ય

માત્ર તસ્વીર માટે આપવામાં આવેલ પોઝને ખોટા અને ભ્રામક દાવા સાથે વાયરલ

Published

on

રસીકરણની પ્રકિયા 16 જાન્યુઆરીના શરૂ કરવામાં આવી છે. દેશના અલગ અલગ ભાગમાં રસીકરણ પ્રકિયા સૌપ્રથમ હેલ્થ વર્કર સાથે કરવામાં આવી છે. ત્યારે સોશ્યલ મીડિયા પર એક વિડિઓ વાયરલ થયો છે, જેમાં દાવો કરવામાં આવ્યો છે કે આ લોકો રસીના નામે મૂર્ખ બનાવી રહ્યા છે. રસી લેતા હોવાનો ડોળ કરી માત્ર ફોટો પડાવી રહ્યા છે. કેટલીક સોશ્યલ મીડિયા પોસ્ટમાં વિડિઓમાં દેખાતી વ્યક્તિ વ્યક્તિ ભાજપ નેતા હોવાનો આરોપ પણ લગાવવામાં આવ્યો છે. ફેસબુક પર “આ કઈ રીત નું વેક્સિનેશન? શું રસીકરણ આ રીતે થઇ રહીયુ છે? ફક્ત ફોટો પાડવા માં આવી રહિયા છે?” કેપશન સાથે આ વિડિઓ પોસ્ટ શેર કરવામાં આવેલ છે.

Factcheck / Verification

એક વીડિયો જેમાં એક પુરુષ અને એક મહિલા રસીકરણની લેતા જોવા મળે છે. અન્ય કેટલાક યુઝર્સ દ્વારા આ વિડિઓ કર્ણાટકના ટુમકુર હોસ્પિટલના અધિકારીઓ કોવિડ -19 રસી લેવાનો ડોળ કરી માત્ર ફોટો પડાવી રહ્યા છે.

જ્યારે વિડિઓના કેટલાક ભાગોને રિવર્સ ઇમેજ સર્ચ કરતા જાણવા મળે છે કે વિડિઓમાં પોઝ આપનાર ડો.નાગેન્દ્રપ્પા, જિલ્લા આરોગ્ય અધિકારી અને ડો.રાજાણી, આચાર્ય,સરકારી નર્સિંગ કોલેજ છે. જયારે આ મુદ્દે કેટલાક કીવર્ડ સાથે સર્ચ કરતા prajavani દ્વારા પબ્લિશ કરવામાં આવેલ અહેવાલ જોવા મળે છે. જે મુજબ 16 જાન્યુઆરીના ડો.નાગેન્દ્રપ્પા પહેલા હેલ્થ ઓફિસર હતા કે જેમણે વેક્સીન ડોઝ લગાવાયો હતો.

DHO Nagendrappa getting vaccinated at Tumkur District Hospital

આ ઉપરાંત વાયરલ વિડિઓમાં જે મહિલા રસી લેતા જોઈ શકાય છે, તે ડો.રાજાણી છે. જયારે વાયરલ દાવા વિષયે તેમણે સ્પષ્ટતા આપતા વેક્સીનના પ્રથમ ડોઝ માટે કરવામાં આવેલ નોંધણી અને તેનું સર્ટિફિકેટ શેર કરવામાં આવેલ છે. જે મુજબ 16 જાન્યુઆરીના ડો.રાજાણીને કોરોના વેક્સીનનો પ્રથમ ડોઝ આપવામાં આવ્યો હતો.

ન્યુઝ સંસ્થાન thenewsminute દ્વારા વાયરલ પોસ્ટ પર કરવામાં આવેલ ફેક્ટ ચેક મુજબ વીડિયોમાં જોનારા અધિકારીઓએ રસી લીધી હતી. પરંતુ તકનીકી કારણોસર તે દિવસે રસીકરણ પ્રક્રિયા મોડી પડી હતી. એપ્લિકેશનમાં રજિસ્ટર થયેલા ઉમેદવારોને રસીની ફાળવણી કરવામાં આવી હતી અને અધિકારીઓએ જાતે જ કરવું પડ્યું હતું. પરંતુ સત્તાવાર રસીકરણ પ્રક્રિયા શરૂ થાય ત્યાં સુધી મીડિયા રાહ જોઇ શક્યું નહીં. તેથી જ અધિકારીઓએ વેક્સીન લઇ રહ્યા હોવાનો ડોળ કર્યો હતો. જો કે ત્યારબાદ તમામને રસી આપવામાં આવી હતી. જે મામલે સંબંધિત અધિકારીઓને એક રિપોર્ટ પણ સુપરત કરાયો છે.

જયારે વાયરલ વિડિઓ મુદ્દે ડો.નાગેન્દ્રપ્પાએ કહ્યું કે, “ડો.રાજાણી અને મને (ડો.નાગેન્દ્રપ્પા) 16 જાન્યુઆરીએ કોરોના સામે રસી આપવામાં આવી હતી. પરંતુ, અમે મીડિયાની વિનંતી પર માત્ર ફોટો માટે પોઝ આપ્યો હતો કારણ કે તે દિવસે કોઈ ફોટો યોગ્ય રીતે લેવામાં આવ્યો નથી. પરંતુ, કેટલાક લોકોએ આ વિડિઓ ભારામક દાવા સાથે પ્રકાશિત કરી રહ્યા છે.

Conclusion

રસીકરણની પ્રક્રિયામાં ભાજપ નેતા રસી લેવાનું નાટક કરી રહ્યા છે, રસી લગાવવી સલામત નથી. વગેરે દાવાઓ તદ્દન ભ્રામક છે. વાયરલ વિડિઓમાં દેખાઈ રહેલ વ્યક્તિઓ કર્ણાટકના સ્વાસ્થ્ય અધિકારી છે. જયારે 16 જાન્યુઆરીના વિડિઓમાં દેખાઈ રહેલ વ્યક્તિ ડો.નાગેન્દ્રપ્પા અને ડો.રાજાણીને વેક્સીન આપવામાં આવી હતી. જયારે મીડિયા કર્મીઓ દ્વારા કરવામાં આવેલ વિનંતી બાદ આપવામાં આવેલ પોઝ સમયે વિડિઓ બનાવી ભ્રામક દાવા સાથે શેર કરવામાં આવેલ છે.

Result :- Misleading


Our Source

thenewsminute
prajavani
Tumkur Deputy Commisioner
DHO Tumkur: Doctor Nagendrappa

(કોઈપણ શંકાસ્પદ, વાયરલ ખબર અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044)

Continue Reading

Coronavirus

વેક્સીન લીધા બાદ મુરાદાબાદના વોર્ડબોયનું મૃત્યુ થયું હોવાનો ભ્રામક દાવો વાયરલ

વેક્સીનના કારણે મૃત્યુ થયું હોવાનો દાવો ભ્રામક છે.

Published

on

તાજેતરમાં સોશિયલ મીડિયા પર કોરોના વેક્સિનના સમાચારોએ જોર પકડ્યું છે. ભારતમાં અનેક જગ્યાએ વેક્સીન આપવામાં આવી જે બાદ કેટલાક સામાન્ય રિકેશન (આડઅસર) પણ જોવા મળી હતી. ત્યારે સોશિયલ મીડિયા પર એક એવી માહિતી વાયરલ થઈ રહી જેમાં દાવો કરવામાં આવ્યો છે કે, મુરાદાબાદની સરકારી હોસ્પિટલમાં એક વોર્ડ બોયનું કોરોના વેક્સિનને કારણે મોત થયું છે. ફેસબુક પર ગુજરાત મિત્ર એકાઉન્ટ પરથી “કોરોના વેક્સિન લગાવ્યા બાદ ઉત્તરપ્રદેશના મુરાદાબાદમાં એક વોર્ડબોયનું મોત” કેપશન સાથે વેબસાઈટ લિંક પણ શેર કરવામાં આવેલ છે.

Fact-check / Verification

કોરોના વેક્સીન લીધા બાદ મુરાદાબાદના એક વોર્ડબોયનું મૃત્યુ થયું હોવાંના વાયરલ દાવા પર ગુગલ કીવર્ડ સર્ચ કરતા ન્યુઝ સંસ્થાન oneindia, tv9hindi તેમજ aajtak દ્વારા પ્રકાશિત કરવામાં આવેલ અહેવાલ જોવા મળે છે. જે મુજબ મુરાદાબાદની હોસ્પિટલના વોર્ડબોયનું મોત વેક્સીન નહીં પરંતુ હાર્ટએટેકના કારણે થયું હોવાનું સાબિત થાય છે.

Ward boy died after heart attack, no relation found with coronavirus vaccine in postmortem report

આ મુદ્દે વધુ તપાસ કરતા ANI દ્વારા કરવામાં આવેલ ટ્વીટ જેમાં ઉત્તરપ્રદેશ સ્વાસ્થ્ય સચિવ અમિત મોહન દ્વારા મીડિયા સમક્ષ સ્પષ્ટતા કરતા કહ્યું કે વોર્ડબોયનું મૃત્યુનું કારણ હાર્ટએટેક છે. આ વાતની પુષ્ટિ તેમના બોડીના પોસ્ટમોર્ટમ કર્યા બાદ જાહેર કરવામાં આવેલ છે.

જયારે વાયરલ દાવો જેમાં વેક્સીનના કારણે વોર્ડબોયનું મૃત્યુ થયું હોવાની વાત ભ્રામક હોવાની માહિતી PIBFactCheck દ્વારા પણ ટ્વીટ મારફતે આપવામાં આવેલ છે.

Conclusion

મુરાદાબાદમાં વેક્સીન લીધા બાદ હોસ્પિટલના વોર્ડબોયનું મૃત્યુ થયું હોવાનો દાવો તદ્દન ભ્રામક છે. હોસ્પિટલ દ્વારા જાહેર કરવામાં આવેલ પોસ્ટમોર્ટમ રિપોર્ટ મુજબ વોર્ડબોયનું હાર્ટએટેકના કારણે મૃત્યુ થયેલ છે. આ બાબતે આરોગ્ય સચિવ દ્વારા પણ ભ્રામક માહિતી પર સ્પષ્ટતા કરવામાં આવી હતી.

Result :- Misleading


Our Source

oneindia,
tv9hindi
aajtak
ANI
PIB Factcheck

(કોઈપણ શંકાસ્પદ, વાયરલ ખબર અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044)

Continue Reading

Coronavirus

ફાઇઝરની વેક્સીન ‘મેડ ઈન ચાઈના’ હોવાના દાવા સાથે ભ્રામક તસ્વીર વાયરલ

વેપોરાઇઝર કાર્ટિજ એક ભ્રામક તસ્વીર છે. કોરોના વેક્સીન ઇન્જેક્શન દ્વારા હાથ પર લગાવવામાં આવે છે.

Published

on

ફાઇઝર કંપની દ્વારા કોરોના વેક્સીન પર એક હદે સફળતા મેવો લીધી છે, અમેરિકામાં કોરોના વેક્સીન લગાવવાની શરૂઆત પણ થઈ ચુકી છે. અમેરિકાના નવા રાષ્ટ્રપતિ બાઈડેનને પણ ગઈકાલે વેક્સીનનો પહેલો ડોઝ લગાવવામાં આવ્યો છે. ત્યારે સોશ્યલ મીડિયા પર એક ન્યુઝ વેબસાઈટ દ્વારા વેક્સીનની એક તસ્વીર પણ શેર કરેલ છે. જે વેક્સીનની તસ્વીર પર મેડ ઈન ચાઈના લખાયેલ જોવા મળે છે. જે મુદ્દે સોશ્યલ મીડિયા પર અનેક યુઝર્સ દ્વારા આ તસ્વીર શેર કરવામાં આવેલ છે, સાથે મેડ ઈન ચાઈના અને આત્મનિર્ભરના કેપશન પણ લખવામાં આવ્યા છે.

Factcheck / Verification

ફાઇઝર દ્વારા કોરોના વાયરસની લોન્ચ કરવામાં આવેલ વેક્સીનની વાયરલ તસ્વીરને ધ્યાન પૂર્વક જોતા તેમાં ‘vaporizer cartridge’ પણ લખાયેલ જોવા મળે છે. જયારે વિશે ગુગલ સર્ચ કરતા જાણવા મળે છે કે વેપોરાઇઝર એક ઇલેટ્રોનિક સિગારેટ છે, જેને રીફીલ કરવા માટે આ કાર્ટિજનો ઉપયોગ થાય છે.

શું છે વેપોરાઇઝર?

ઇલેક્ટ્રોનિક-સિગારેટ બેટરીથી સંચાલિત ઉપકરણ છે જે નિકોટિન ધરાવતા દ્રાવણને ગરમ કરીને એરોસોલ નામનું તત્વ પેદા કરે છે, જે જ્વલનશીલ સિગારેટમાં નશાકારક દ્રવ્ય છે.

રસીને લગતી માહિતી મેળવવા માટે એનએચએસ એટલે કે રાષ્ટ્રીય આરોગ્ય સેવાની વેબસાઇટ પર તપાસ કરતા. નેશનલ હેલ્થ સર્વિસ વેબસાઇટની મુલાકાત લઈને, અમને ખબર પડી કે વાસ્તવિક ફાયઝર રસી ઈન્જેક્શન દ્વારા હાથમાં નાખવામાં આવે છે. આ રસી બે ડોઝમાં આપવામાં આવે છે.

ફાઇઝર જયારે કયા દેશમાં ફાઈઝર તેની રસી બનાવી રહ્યું છે તે વિશેની માહિતી મેળવવા માટે ફાઈઝરની વેબસાઇટ જોતા સ્પષ્ટ થયું કે ફાઇઝર હાલમાં ફક્ત યુ.એસ. અને જર્મનીમાં કોરોના રસી બનાવે છે. ફાઇઝરની વેબસાઇટ પર કોઈ માહિતી મળી નથી કે ચીનમાં રસી પણ બનાવવામાં આવી રહી છે. આ સાથે અમને ફાઇનાન્સિયલ એક્સપ્રેસનો લેખ મળ્યો. લેખ મુજબ, ચીને હજી સુધી સંપૂર્ણ રસી બનાવી નથી. ચીન હાલમાં રસીના પરીક્ષણ પર કામ કરી રહ્યું છે.

જયારે વાયરલ તસ્વીર મુદ્દે વધુ તપાસ કરતા reuters દ્વારા આ મુદ્દે પબ્લિશ કરવામાં આવેલ આર્ટિકલ જોવા મળે છે. reuters દ્વારા ફાઇઝર કંપનીનો સંપર્ક કરી વાયરલ તસ્વીર મુદ્દે પુછપરછ કરેલ છે, જેના જવાબમાં ફાઇઝર દ્વારા મેઈલ કરવામાં આવ્યો હતો અને જણાવવામાં આવ્યું કે વેપોરાઇઝર કાર્ટિજ એક ભ્રામક તસ્વીર છે. કોરોના વેક્સીન ઇન્જેક્શન દ્વારા હાથ પર લગાવવામાં આવે છે, તેમજ બે ડોઝ 21 દિવસના ગાળામાં આપવાના હોય છે.

Conclusion

કોરોના વાયરસની વેક્સીનની વાયરલ તસ્વીર સાથે મેડ ઈન ચાઈનાની હોવાનો કરવામાં આવેલ દાવો તદ્દન ભ્રામક છે. આ ઉપરાંત નવા રાષ્ટ્રપતિ બાઇડેનને વાયરલ તસ્વીરમાં બતાવવામાં આવેલ વેક્સીન લગાવવામાં આવી હોવાનો દાવો પણ તદ્દન ભ્રામક છે. આ મુદ્દે ફાઇઝર કંપની દ્વારા તેમજ ગુગલ સર્ચ દ્વારા મળતી તમામ માહિતી સ્પષ્ટ કરે છે કે વાયરલ વેક્સીનની તસ્વીર ભ્રામક છે. ફાઇઝર વેક્સીન માત્ર US અને જર્મનીમાં જ બને છે, કોરોના વેક્સીન ઇન્જેક્શન દ્વારા હાથ પર લગાવવામાં આવે છે.

Result :- False


Our Source

reuters
ફાઇનાન્સિયલ એક્સપ્રેસ
ફાઈઝરની વેબસાઇટ
નેશનલ હેલ્થ સર્વિસ વેબસાઇટ

(કોઈપણ શંકાસ્પદ, વાયરલ ખબર અથવા કોઈ અન્ય સૂચન માટે મેઈલ કરો checkthis@newschecker.in અથવા વોટ્સએપ કરો 9999499044)

Continue Reading